Die Peacemaker haben einen Schulsong geschrieben. Hört rein!
Hier gehts zum Song: D’Schu Längnou
Songtext zum Mitsingen
1. Strophe
Der Jura luegt us em Näbu füre,
mir loufe mit em Schusack dür d Strasse düre.
Mit emne offene Härz gö mir los,
üse Schuwäg isch nid so gross.
Zwüsche Pieterle u Gränche gö mir stouz,
vor Solothurnstrass, Chlifäud u Eichhouz,
ar Rado u Laguna verbi mit viu Elan,
schnäu id Schu, das isch üse Plan.
Refrain
Links dr Jura, wyt, wyt rächts si d’Aupe,
üsi Heimat wärde mir immer im Härze bhaute.
Ungerem Tannewappe isch üses Dahei,
in Längnou isch niemer elei.
Mir dörfe Fähler mache, das ghört drzue,
u wachse uf em Wäg i üsi Schue.
Üses Dorf isch zwar chly,
aber mir stöh fürnang ii.
2. Strophe
Üses Schuhuus steit sit zwöihundert Jahr,
u das isch würklech wunderbar.
Vom Chindsgi bis Nünti, für Gross u Chly,
d Schuzit wird immer i üsne Gedanke sy.
Ar Jura Chetti da steit üses Dorf,
Über üs wacht di gueti Frou Morf.
Peacemaker häufe, we Striit entsteit,
d’Friedensträppe zeigt, wie’s wytergeit.
Refrain
3. Strophe
Im Waud wird glacht uf em Sofa us Houz,
dusse lehre mir viu, das macht üs stouz.
Mir loufe dr Wurzuwäg düruf,
gö mitenang u gäbe nie uf.
Mir halte zäme, egau wos häre geit,
mit Fründschaft u Fröid si mir für aues bereit.
Mit Herzbluet lache u lere mitenang,
u trage die Erinnerige es Läbe lang.
Refrain